Qysh Me - Qysh me u dobësu duke ngrënë? 
Kyçu

Qysh me u dobësu duke ngrënë?

Filane Fisteku Filane Fisteku | Keshilla | 15 July 2017 | 08:28

Në shumicën e dietave numri dhe sasia e ushqimeve që konsumohet është e pakët. A dëshironi të dobësoheni duke ngrënë më shumë? Zgjedhja e ushqimeve me kalori të pakta do t’ju ndihmojë të dobësoheni dhe të kontrolloni urinë tuaj.

Dietat e dobësimit të planifikuara mirë përdorin konceptin e intensitetit të energjisë për të mundësuar dobësimin dhe ruajtjen e kësaj peshe për një kohë të gjatë. Intensiteti i energjisë është numri i kalorive të gjendura në sasinë e një produkti specifik. Kjo do të thotë se edhe te një pjesë e vogël e ushqimeve të pasura me këtë intensitet ka shumë kalori. Dhe anasjelltas, në shumë produkte të pasura me një intensitet të ulët energjie ka më pak kalori.

Nëse dëshironi të dobësoheni, objektivi juaj duhet të jenë produktet me intensitet të ulët energjie. Në këtë mënyrë do të ndiheni më të ngopur me pak kalori. Rrushi i thatë dhe rrushi natyral është një shembull i mirë. Rrushi i thatë ka një intensitet të lartë energjie dhe një tas me rrush të thatë përmban 434 kalori ndërsa rrushi si frutë ka intensitet të ulët energjie dhe një tas me rrush përmban 104 kalori.

Tre faktorë përcaktojnë intensitetin e energjisë së ushqimeve:

- Uji: Shumë fruta dhe perime përmbajnë shumë ujë. Por uji shton vetëm peshën e frutit, nuk shton kaloritë. P.sh 90 % e grejfrutit është ujë. Gjysmë grejfruti përmban vetëm 39 kalori. Edhe karota e freskët përmban 88 % ujë. Një gjysmë tasi me karota përmban 25 kalori.

- Fibrat: Produktet e pasura me fibra zgjasin kohën e tretjes së ushqimit dhe do t’ju ngopin me pak kalori. Shembulli klasik i këtyre janë frutat, perimet dhe drithërat.

- Yndyra: Ka një intensitet të lartë energjie. Shikuar nga sasia e kalorive një lugë çaji më gjalpë është e barabartë me dy tasa brokoli. Shumica e pemëve dhe perimeve nuk përmbajnë shumë yndyrë. Ndërsa produktet e qumështit dhe lloje të ndryshëm mishrash apo produktet të cilave u shtohet yndyrë përmbajnë shumë kalori.

Nuk është aspak e lehtë të ndryshosh stilin e jetesës dhe mënyrën e ushqyerjes por është i lehtë krijimi i një plani ushqyes duke përdorur konceptin e intensitetit të energjisë. Për të kuptuar intensitetin e energjisë së ushqimeve mund të shfrytëzoni kategoritë e piramidës së kilogramëve të shëndetshëm:

- Perimet: Shumë perime përmbajnë pak kalori por peshojnë më shumë. P.sh. për të konsumuar më shumë sallatë të gjelbër, bishtajë, brokoli dhe kungull përdorni brumëra me perime të shtypura në vend të soseve me djathë apo yndyrë. Pakësoni sasinë e mishit në pjatë dhe shtoni porcionin e perimeve. Ndërmjet vakteve mund të hani perime të freskëta.

- Pemët: Pothuajse të gjitha pemët janë të shëndetshme. Pemët e freskëta, të ngrira apo konserve janë të mira nëse nuk u shtohet sheqer. Por lëngjet e frutave dhe pemët e thata janë të pasura me intensitet të lartë energjie.

- Karbohidratet: Karbohidratet gjenden te drithërat, orizi, buka dhe brumërat. Drithërat janë zgjedhja më e mirë, sepse janë të pasura me fibra dhe kanë vlera ushqyese. Konsumoni bukë të përgatitur me miell gruri, brumërat me miell gruri, elbin dhe orizin ngjyrë kafe.

- Proteinat dhe produktet e qumështit janë me natyrë bimore dhe shtazore. Zgjedhja më e mirë për sa i përket produkteve me intensitet të ulët energjie janë produktet me shumë proteinë dhe pak yndyrë, kalori. Këta janë fasulja, bizelja, thjerrëzat, peshku, mishi i bardhë pa lëkurë, produktet pa yndyrë të qumështit dhe e bardha e vezës.

Komentet

Të Ngjajshme